Sunday, 20 December 2015

போகட்டும்.. விடுங்கள்





முதல்வர் விக்கியின் "ஊமை" பேச்சிற்கும் கபட நாடகத்திற்கும், உலகமே அறிந்த உண்மை நேற்று பரகசியமாகியது.  வடமாகாண சபையின் முதலமைச்சர் விக்கி ஜயா, இந்திய இராணுவ காலங்களின் மண்டையன் குழு பிதாமகர் சுரேஷ் பிரேமச்சந்திரனோடும் இருமுறை தேர்தலில் தோற்ற கஜன் பொன்னம்பலத்தோடும் இணைந்து புதிய அரசியல் முன்னணி அமைத்திருப்பதாக வந்த செய்தி வரவேற்பப்பட வேண்டியதே. 


விக்கி ஜயாவின் தேர்தல் கால நடவடிக்கைகள் சம்பந்தமாக கூட்டமைப்பில் எழுந்த சந்தேகங்கள் உண்மையாகி விட்டன. நேற்றைய அங்குரார்ப்பணத்திலும் ஊமை நாடகம் நடாத்தி தனது தலைமை பண்பின் திறனையும் தொடர்ந்து தமிழ் மக்களை மடையனாக்கும் செயற்பாட்டையும் விக்கி ஜயா தொடர்வதும் வரவேற்கப்பட வேண்டியதே.


கஜன் பொன்னம்பலம், தமிழ் இனத்திற்கு ஆற்ற வேண்டிய பணிகளிலிருந்து விலகி தவறானவர்வகளின் கூட்டில் மீண்டும் மீண்டும் பயணிப்பது மட்டும் நெஞ்சை வருத்துகிறது. தூய தமிழ் தேசிய சிந்தனையாளரான கஜன் 2010ல், கஜன் செல்வராசாவிற்கும் பத்மினி சிதம்பரநாதனிற்கும் கூட்டமைப்பு போட்டியிட வாய்ப்பளிக்காததால் தான் பிரிந்து சென்றார். 2009 பேரழிவை எதிர் கொண்ட இனம் அந்த காயத்தின் வலியை சுமந்து கொண்டிருந்த வேளையில், கூட்டமைப்பிற்குள் பிரிவினையை ஏற்படுத்தி வலிதந்தார் கஜன். 

அன்று எந்த புலம்பெயர் சக்திகள் அவரை வழி நடாத்தியது என்று சந்தேகிக்கப்பட்டதோ இன்றும் அதே சக்திகளின் வழிகாட்டலில் அவர் பயணித்திருப்பது ஏமாற்றமளிக்கிறது. கஜன் வகிக்க வேண்டிய வகிபாகங்களிலிருந்து அவர் தொடர்ந்து விலகி செல்வது வேதனையளிக்கிறது.


ஊடகவியலாளர்களிற்கு அனுமதியில்லாமல் நடந்த அங்குரார்ப்ணத்தில் பங்குபெற்றியோர் தெரிவித்திருக்கும் கருத்துக்கள் இந்த பழைய குழப்படிக்காரரைக் கொண்ட புதிய பேரவையின் நோக்கத்தை தெளிவுபடுத்தவில்லை. குழப்பங்காரர்களின் கூட்டணியில் தெளிவை எதிர்பார்ப்பது தவறுதானே.

நல்லை ஆதீனம் "புதிய பேரவை அரசியல் தீர்வு திட்டம் தயாரித்து அரசிடம் முன்வைக்கும்" என்கிறார், கஜன் பொன்னம்பலம் "புதிய பேரவை அரசியலிற்கு அப்பால்பட்டது" என்கிறார். புலத்தில் ஏற்கனவே இயங்கும் மக்கள் பேரவைகளின் நீட்சியாக இந்த புதிய பேரவை செயற்படுமா என்ற தெளிவுபடுத்தலும் அவசியமாகிறது.


விக்கி ஜயா போறது தான் போறார், போகும் போது முதலமைச்சர் பதவியை கையளித்துவிட்டு போவது தமிழினித்திற்கு நன்மை பயக்கும். வெறும் வாய்பேச்சு வீரராக, ஒரு செயல் திறனற்ற மாகாண சபையை கடந்த இரு வருடங்களாக நடாத்தி, மத்திய அரசு தந்த சொற்ப நிதியையே செலவிட தெரியாமல் திருப்பி அனுப்புமளவிற்கு மக்களிற்கு பாதிப்புகளை ஏற்படுத்திய முதல்வர் என்ற அவப்பெயருடன் விலகி செல்லட்டும்.


மாகாணசபை முதல்வராக மகிந்த முன்னிலையில் பதவியேற்று, புலம்பெயர் மக்களோடும் தமிழக மக்களோடும் சண்டைக்கு போனார். பின்னரே 2015 சனவரியில் அவரது மகிந்த ஆட்சியிலிருந்து அகற்கப்பட்டு ஆட்சி மாற, காட்சி மாறி கூட்டமைப்பிற்குள் சண்டைக்கு போனார். விக்கி ஜயா அரசியலுக்கு வந்த இரு வருடங்களில் அவரது சண்டைகள் தான் சாதனைகள். 


இந்த ஆண்டின் ஆரம்பத்திலிருந்து தமிழ் அரசியல் பரப்பில் நிலவி வந்த குழப்ப நிலை இந்த புதிய பேரவையின் உதயத்துடன் முடிவிற்கு வருவதும் வரவேற்கத்தக்கது. 


புதிய பேரவை கூட்டமைப்பு போலில்லாது, களத்தில் இறங்கி மக்களோடு வேலை செய்யும் என்று நம்பிக்கையில் புதிய பேரவையை வரவேற்கோம்ம்.


சமூகப்பணி செய்யவும் மக்கள் மயப்படுத்தப்பட்ட அரசியல் செயற்பாடுகள் முன்னெடுக்கவும் பாராளுமன்ற மற்றும் மாகாண சபை உறுப்பினர் பதவிகள் தேவையில்லை என்பதற்கு இந்த புதிய பேரவை முன்னுதாரணமாக இருக்கும் என்றும் நம்பி புதிய பேரவையை வரவேற்போம்.


கூட்டமைப்பு செய்யத்தவறிய தாயகத்தில் வாழும் மக்களையும் புலம்பெயர் சமுதாயத்தையும் அரசியல் ரீதியாக ஒருங்கிணைத்து போரினால் பாதிக்கப்பட்ட உறவுகளின் வாழ்வாதாரத்திற்கான உதவித்திட்டங்களை புதிதாக உதயமாயிருக்கும் பழையவர்களின் பேரவை செயற்படுத்தும் என்று நம்பிக்கையில் புதிய பேரவையை வாழ்த்தி வரவேற்போம்.

போகட்டும்.. விடுங்கள்

3 comments:

  1. நிறைய எழுத்துப் பிழைகள். Please take care Jude.

    ReplyDelete
  2. தொடர்ந்து ஐ க்கு பதில் ஜ பயன்படுத்துகிறீர்கள். Hope you will take it in right way.

    ReplyDelete
  3. Noted, this was an older post. Thank you for pointing out.

    ReplyDelete