ஓ காதல் கண்மணி



ஓ காதல் கண்மணி
 No mouse & ஒரு பிளேன் டீ.



சுஹாசினி அக்காக்கு பயந்து mouse பிடிக்காமல் (iPhone ல் விரலால்) இந்த பதிவை, ரஜீஷன் சொன்ன பிளேன் டீ குடித்து கொண்டு வரைகிறேன் (விமர்சனம் எழுத தம்பி Jeyakumaran Chandrasegaram ம் நண்பன் Rajeeshun Arudchelvam ம் இருக்கினம்)
மெளனராகம், 1986ல் யாழ்ப்பாணத்தில் deckல் பார்த்த முதல் மணிரத்னம் படம். ஆனா "மன்றம் வந்த தென்றல்" விளங்கினது 1990களில் உருத்திரா மாவத்தையில், அது வேற கதை. அதுக்கு பிறகு சென்சார் பண்ணாத "ரோஜா" 1994 ல் தெஹிவளை கொன்கோட்டில் பார்த்தது தொட்டு எல்லா மணி (அவர் வசனத்தை சுருக்கலாம், நாங்க பெயரை சுருக்க கூடாதா) படமும் தியேட்டர் தான் என்று ஞாபகம்.
எல்லா மணி படத்தலேயும் எனக்கு மூன்று விஷயம் பிடிக்கும், ஒரு விஷயம் இடிக்கும். பிடித்தது கொல்லும் ரஹ்மானின் இசை, லயிக்கும் காதல் காட்சிகள் மற்றது அழகாக entry குடுக்கும் Train. மெளனராகம் தொட்டு திருடா திருடா, உயிரே, ராவணன் இப்ப OKK வரை கட்டாயம் கோச்சி வரும். இடிக்கிற விஷயம் மணி போறபோக்கில எங்கட போராட்டத்தை பற்றி எறிஞ்சிட்டு போற பீக்குண்டு (உ+ம்: ஆயுத எழுத்தில் வாற செல்வநாயகம்).
ஓ காதல் கண்மணி.. பிடிக்கும் எல்லா விஷயமும் அளவுக்கு அதிகமாக இருக்கும், இடிக்கும் விஷயமில்லாத மணியான மணிரத்னம் படம். மணிரத்னம், ரஹ்மான், வைரமுத்து, ஶ்ரீராம் என்ற திரைக்கு பின்னிருந்து மிளிரும் சூப்பர் கூட்டணி படைத்திருக்கும் கல்யாண சமையல் சாதம் (உரும்பிராய் பங்கு ஆட்டு இறைச்சி கறியும் menu வில் இருக்கு)
நம்மை மீண்டும் ஒரு முறை காதலிக்க தூண்டும் காதல் காட்சிகள், திரைக்கதையோடு இழையும் பாடல்கள், அழகுக்கு மெருகேற்றும் ஒளிஓவியம், ருசித்து ரசித்த sharp ஆன வசனங்கள், அள்ளிப் பருகிய தீந்தமிழ் கவிவரிகள் என்று ஓ காதல் கண்மணியை.. முடிக்க வார்த்தைகள் தேடுகிறேன்.
ஓ காதல் கண்மணி - குளிர் மழையில் என் காதல் கண்மணியோடு (Englishல் டார்லிங்) ஒரு hot pepper omelette சாப்பிட்ட அனுபவம்

Comments

Popular posts from this blog

மாவீரர் யாரோ என்றால்....

ஒரு நாள் ஜொனியன்ஸ்..

உடுவிலில் ஏன் மைத்ரி ?